ཧི་མྰ་ལ་ཡའི་སྤྱི་སྐད།　　གསུམ་པ།--འདྲེ་རིག་ལྡན་ལགས་ཀྱི་ཟིན་བྲིས།

ཧི་མྰ་ལ་ཡའི་སྤྱི་སྐད། གསུམ་པ།

[ 2008-11-29 18:55:00 | By: theghost ]

གསུམ་པ། ཧི་མཱ་ལ་ཡའི་སྐད་ཡིག་དང་རིག་གཞུང༌།

ལོ་རྒྱུས་དང་དུས་རབས་ཀྱི་འགྱུར་ལྡོག་ཁྲོད་ནས་གནའ་བོའི་བོད་མི་རིགས་སམ་ཧི་མཱ་ཡའི་མི་རིགས་ཆེན་པོ་འདི་སིལ་བུར་འཐོར་ཞིང༌། རིམ་བཞིན་བོད་ཆོལ་ཁ་གསུམ་དང༌། འབྲུག་རྒྱལ་ཁབ། རྒྱ་གར་གྱི་མངའ་སྡེ་འབྲས་ལྗོངས། ལ་དྭགས། ཁུ་ནུ། མོན་རྟ་དབང༌། ཤར་པ་སོགས་སོ་སོར་གྱེས་ཤིང༌། ཤ་ཁྲག་གཅིག་ལས་ཆད་ཅིང་ཁྱིམ་གཞི་གཅིག་གི་འཚོ་བའི་དྲོད་ཁོལ་ཉམས་སུ་མྱངས་ནས་འཚར་བའི་མི་རིགས་ཆེན་པོ་འདི་རེ་ཞིག་ཕན་ཚུན་མཐོང་ཐོས་ཀྱི་སྐལ་བ་དབུལ་བའི་ཁ་བྲལ་གྱི་གནས་སུ་ལྷག
ད་ལྟ་བོད་ཀྱི་སྐད་ཡིག་དང་རིག་གཞུང་དུ་གྲགས་པ་ཀུན་ནི་བཙན་པོ་རིམ་བྱོན་གྱི་མངའ་ཐང་གླིང་བཞིར་རྒྱས་པའི་སྐབས་སུ་ཧི་མཱ་ལ་ཡའི་མི་རིགས་འདིས་གཅེས་པའི་ལུས་སྲོག་དང་བཅས་པ་བློས་བཏང་ནས་སྐྱེད་བསྲིངས་བྱས་པའི་རིག་གཞུང་འབའ་ཞིག་ཡིན་ལ། སྐབས་དེའི་ཆོས་སྲིད་ཀུན་གྱི་ལྟེ་གནས་སུ་གྱུར་བ་ད་ལྟའི་བོད་ཡུལ་ཡིན་པ་ཙམ་ལས་ཆོས་དང་རིག་གཞུང་འདི་ཧི་མཱ་ལ་ཡའི་མི་རིགས་ཐུན་མོང་ལ་བདག་པ་ཞིག་ཡིན། དེའི་སྒྲུབ་བྱེད་ནི་མི་རིགས་འདིས་གནའ་ནས་ད་བར་ཐུན་མོང་དུ་བཟློ་བཞིན་པའི་ངག་གི་རིག་བྱེད་དེ་ཙམ་གྱིས་འཐུས་སོ། །

སྐད་ཡིག་འདི་དང་རིག་གཞུང་འདིའི་དར་རྒུད་ནི་ཧི་མཱ་ལ་ཡའི་མི་རིགས་ཁྱོན་ཡོངས་ཀྱི་དར་རྒུད་འབའ་ཞིག་ཡིན་པས། སྐད་ཡིག་འདི་དང་འདིའི་ཁྱབ་ཁོངས་ཀྱི་རིག་གནས་མ་ལག་ལ་གཅེས་འཛིན་བྱ་རྒྱུ་ནི་ང་ཚོ་ཐུན་མོང་གི་འགན་འཁྲི་ཡིན།

བལྟ་ཀློག | ལན་སློག(0) | འདྲེན་བཀོལ་སྤྱི་བསྒྲགས | རྩོམ་སྒྲིག

ཟིན་ཐོ་གོང་མ།ཧི་མ་ལ་ཡའི་སྤྱི་སྐད། གཉིས་པ།
ཟིན་ཐོ་འོག་མ།ཧི་མྰ་ལ་ཡའི་སྤྱི་སྐད། བཞི་པ།

དཔྱད་གཏམ་སྤེལ་བ།